ЭКОНОМИКА

სასაზღვრო პოლიციის კომენტარი: სომეხ მესაზღვრეებს საზღვარი არცერთი მეტრით არ გადმოუწევიათ

21.11.15 15:44




ტელეკომპანია "რუსთავი2″-მა გუშინ, 9 საათიან საინფორმაციო გამოშვებაში გაარცელა ინფორმაცია, რომ სომეხმა მესაზღვრეებმა საზღვარი გადმოწიეს. კონკრეტულად ტელეკომპანია "რუსთავი2″-ს ყურადღების ცენტრში მოექცა სოფელი საზანქედი, რომელთანაც სახელმწიფო საზღვარი გადის. "რუსთავი2″ აცხადებდა, რომ სომეხმა მესაზღვრეებმა 10-15 ჰექტარი მიწა მიისაკუთრეს

: "სოფელ საზაქენდში, რომლის ახლოსაც საქართველოს სახელმწიფო საზღვარი გადის, სომეხმა მესაზღვრეებმა 10-15 ჰექტარი მიწა მიისაკუთრეს ადგილობრივები ამბობენ, რომ ეს მხოლოდ ბოლო დიდი ნაბიჯია, თორემ მიწების თვითნებური მითვისება აქ დიდი ხანია, გრძელდება. სასაზღვრო ზოლში, სადაც გადაადგილება შეზღუდულია, ადგილობრივი მოსახლეობა უკვე წლებია, ცხოვრობს. ისინი ამბობენ, რომ ადრე საზღვარი გაცილებით შორის იყო, ახლა კი საცხოვრებელ სახლებთან გადის. მსგავსი პრობლემა არის საქართველოსა და სხვა მეზობელი ქვეყნების საზღვრებზეც, რომლებიც წლიდან წლამდე ადგილს იცვლის. როგორც წესი, საზღვრის შეცვლა საქართველოს ტერიტორიების ხარჯზე ხდება."- ნათქვამია "რუსთავი2″-ს საინფორმაციო გამშვებაში.

ვინაიდან ნინოწმინდის სოფლების ჩამონათვალში სოფელი "საზაქენდი" ვერ მოვიძიეთ, "ფოსტალიონი" სასაზღვრო პოლიციის პრესსამსახურს დაუკავშირდა ინფორმაციის გადასამოწმებლად. როგორც პრესსამსახურში გვითხრეს, სომეხ მესაზღვრეებს საზღვარი არ გადმოუწევიათ და ტელეკომპანია "რუსთავი2″-ის ინფორმაცია სიმართლეს არ შეესაბამება. სოფელი საზაქენდი მდებარეობს სადახლოს გამშვები პუნქტის ზემოთ . იქ ჩვეულებრივ, ქართველი მესაზღვრეები დგანან და ხორციელდება სასაზღვრო რეჟიმიო.

"ეს არის დეზინფორმაცია, ერთი მეტრით არ გადმოწეულა საზღვარი, ჩვეულებრივ მეთვალყურეები ასრულებენ თავიანთ ველს, თავიანთი სამსახურ მოვალეობას. "რუსთავი2″ თავად იყო იმ სოფლებში, სადაც ისინი ვარაუდობდნენ, რომ საზღვარი გადმოწიეს და ადგილობრივმა მოსახლეობამ მათ განუმარტა,რომ მსგავსი არაფერი მომხდარა"-განუცხადეს "ფოსტალიონს" სასაზღვრო პოლიციის პრესამსახურში.

Прочитано : 10


Напишите комментарии

(В своих комментариях читатели должны избегать выражения религиозной, расовой и национальной дискриминации, не использовать оскорбительных и унижающих выражений, а также призывов, противоречащих законодательству .)

Публиковать
Вы можете ввести 512 символов

Новостная Лента