ЭКОНОМИКА

ვასილ მაღლაფერიძე: ვინც შეურაცხყოფს საქართველოს დროშას, შეურაცხყოფს აზერბაიჯანს

21.11.15 15:48




ვინც შეურაცხყოფს აზერბაიჯანის დროშას, შეურაცხყოფს საქართველოს და ვინც შეურაცხყოფს საქართველოს დროშას, შეურაცხყოფს აზერბაიჯანს, – ასე ეხმაურება „დინამო"-„გაბალას" მატჩზე მომხდარ ინცინდენტს 2030-ის მთავარი პროდიუსერი ვასილ მაღლაფერიძე.



როგორც მაღლაფერიძე ფეისბუქის საკუთარ გვერდზე წერს, აზერბაიჯანსა და საქართველოს შორის არც მოქალაქეების და არც ხელისუფლებათა დონეზე პრობლემა არ არსებობს. მისი შეფასებით, მნიშვნელოვანია ასეთი შემთხვევა გამოძიებული იყოს და გაირკვეს, ვინ გეგმავს მიზანმიმართულ პროვოკაციას.

„აზერბაიჯანსა და საქართველოს შორის არც მოქალაქეების და არც ხელისუფლებათა დონეზე პრობლემა არ არსებობს, რაც ფაქტია. ფაქტია ისიც, რომ ორ ქვეყანას შორის ურთიერთობა არის გამორჩეულად კეთილმეზობლური. თბილისი და ბაქოს ინციდენტები არ გამომდინარეობს ამ ორი ხალხის განწყობიდან და არც მათ ინტერესებში შედის.

საკმაო გამოცდილება დაგვიგროვდა, რათა მივხვდეთ, რომ ვიღაც მიზანმიმართულად გეგმავს პროვოკაციას და სურს, პატრიტულ გრძნობებზე თამაშით აიყოლიოს მოსახლეობის შეიძლება გულწრფელი, მაგრამ ნამდვილად არაშორსმჭვრეტელი ნაწილი, რომელიც არ ითვალისწინებს, რომ მოვლენათა ამგვარი განვითარება მძიმედ დააზიანებს ორივე ქვეყანას.

რასაკვირველია, შეგვიძლია ვიმარჩიელოთ და ვივარაუდოთ, ვინ არის ეს ვიღაც, უფრო მეტიც, გვევალება, რომ ყოველი ასეთი შემთხვევა ბოლომდე გამოვიძიოთ და გავიგოთ, ვინ გვიპირებს ხანძრის გაჩენას, მაგრამ, ამავე დროს, მნიშვნელოვანია, რომ ამ ტიპის პროვოკატორებს გამოვაცალოთ ფსევდოპატრიოტული იდეოლოგიური საყრდენი, რასაც სინამდვილეში ანგარება ასაზრდოებს.

ჩვენი მიდგომა ამგვარი პროკატორების მიმართ უნდა იყოს მკაფიოდ ერთმნიშვნელოვანი – ვინც შეურაცხყოფს აზერბაიჯანის დროშას, შეურაცხყოფს საქართველოს და ვინც შეურაცხყოფს საქართველოს დროშას, შეურაცხყოფს აზერბაიჯანს. განურჩევლად იმისა, ვინმე ანგარებით სჩადის ამ ცუდ საქმეს თუ უგუნურებით, იგი მტრობს თავის ქვეყანას", – წერს ვასილ მაღლაფერიძე.

Прочитано : 10


Напишите комментарии

(В своих комментариях читатели должны избегать выражения религиозной, расовой и национальной дискриминации, не использовать оскорбительных и унижающих выражений, а также призывов, противоречащих законодательству .)

Публиковать
Вы можете ввести 512 символов

Новостная Лента