2023 წლის 4 ოქტომბერს ძალიან გვიან საღამოს სოჭში გაიმართა რუსეთის პრეზიდენტის ვლადიმირ პუტინისა და აფხაზეთის მარიონეტული სეპარატისტების ლიდერის ასლან ბჟანიას შეხვედრა. ამ შეხვედრის წინა დღეს, რუსეთის საგარეო საქმეთა მინისტრმა სერგეი ლავროვ-კალანტაროვმა იმავე სოჭში შეკრიბა სოხუმის და ცხინვალის რეჟიმების მარიონეტული ლიდერები და მათი „საგარეო საქმეთა სამინისტროების“ ხელმძღვანელები – აშკარად ამზადებდა მათ რაღაც მნიშვნელოვანისთვის.n nმიუხედავად იმისა, რომ რუსული მედია ჩვეული პროპაგანდისტული ტონით წერდა რუსეთის ფედერაციასა და სეპარატისტებს შორის „თანამშრომლობის საკითხების გაღრმავებაზე“, ყველასთვის ცხადი იყო, რომ რუსეთის ხელმძღვანელობას სასწრაფოდ სჭირდებოდა მის კონტროლქვეშ მყოფ სეპარატისტ მარიონეტებთან რაღაც ძალიან მნიშვნელოვანი საკითხის გადაჭრა. მეორე დღეს კი, 5 ოქტომბერს, აშკარა გახდა თუ რა საკითხი იგულისხმებოდა.n nსეპარატისტმა „პრეზიდენტმა“ ასლან ბჟანიამ განაცხადა, რომ „რუსეთის შავი ზღვის ფლოტი აფართოებს თავის ყოფნას შავ ზღვაში“ და რუსეთის საზღვაო ძალების ახალი მუდმივი ბაზა გაიხსნება აფხაზეთში, ოჩამჩირის რეგიონში. მისივე თქმით, შესაბამისი ხელშეკრულება უკვე გაფორმებულია. ბჟანიას სხვა დეტალები არ მოუწოდებია, მაგრამ ერთი რამ ცხადია: რუსეთის შავი ზღვის ფლოტი, რომელიც საკმაოდ შეილახა უკრაინის წინააღმდეგ ომში, ფაქტიურად „გარბის“ რუსეთის მიერ ოკუპირებულ აფხაზეთში, სამხედრო ოპერაციების თეატრიდან შორს და ეს დიდ რისკებს შეიცავს მთელი სამხრეთ კავკასიის რეგიონისთვის.n nრუსეთის შავი ზღვის ფლოტის გაქცევა საქართველოს ოკუპირებულ ტერიტორიაზე შემთხვევითი არ არის. კრეისერ „მოსკვას“ ჩაძირვის შემდეგ რუსეთის შავი ზღვის ფლოტის გემები ღია ზღვაში დიდი ხნით ყოფნას ერიდებიან და ძირითადად მათ ბაზებზე არიან განლაგებული. მაგრამ ისინიც თავდასხმის ქვეშ არიან. თანაც ყველა – როგორც რუსეთის ფედერაციის ტერიტორიაზე, ასევე ოკუპირებულ ყირიმში.n n2023 წლის აგვისტოში, დრონის თავდასხმის დროს ნოვოროსიისკის პორტის წყლებში დაზიანდა დიდი სადესანტო გემი (LDT) “ოლენეგორსკი გორნიაკი”. 2023 წლის 22 სექტემბერს უკრაინამ დაარტყა რუსეთის შავი ზღვის ფლოტის შტაბ-ბინას ოკუპირებულ სევასტოპოლში. უკვე 1 ოქტომბერს თვითმფრინავები თავს დაესხნენ რუსული შვეულმფრენების სადგომს ადლერში, რუსეთის ფედერაციის საზღვრის სიახლოვეს მის მიერ ოკუპირებულ ქართულ აფხაზეთთან.n nკრემლის ხელმძღვანელობისთვის აშკარაა, რომ შავი ზღვის ფლოტი სადმე უნდა „გადამალოს“. გადაწყდა, როგორც ჩანს მისი გაყვანა ოკუპირებულ აფხაზეთში. არა მხოლოდ იმიტომ, რომ ის შორს არის უკრაინიდან და სამხედრო ოპერაციების ავანსცენიდან. თანამედროვე იარაღისთვის 100-200 კილომეტრის სხვაობა უმნიშვნელოა.n nდამარცხდა რა უკრაინის წინააღმდეგ შავი ზღვის ფლოტის გამოყენებით, კრემლის ხელმძღვანელობა არ ერიდება ამის კომპენსირებას სხვა ფრონტებზე „წარმატებით“. კერძოდ, ბრძოლების საქართველოს შავი ზღვის სანაპიროზე გადატანით. ჯერ ოკუპირებულ აფხაზეთში. შემდეგ კი, ალბათ რუსეთის შავი ზღვის ფლოტს მოუნდება „გაქცევა“ ფოთში და ბათუმში. ეს აუცილებლად შეაფერხებს „შუა დერეფნის“ განვითარებას და საქართველოს პორტების გავლით ტრანზიტს. მეტიც, კრემლის პროპაგანდა შეეცდება ამაში „აგრესიული“ უკრაინა დაადანაშაულოს.n nამასთან, თავდასხმის ქვეშაა არა მხოლოდ არსებული პორტები და საზღვაო კომუნიკაციები ბათუმის, ფოთისა და ყულევის მიდამოებში. დარტყმას მიიღებს ანაკლიაში ღრმაწყლოვანი პორტის აშენების პროექტი, რომელიც ოჩამჩირიდან სულ რაღაც 20 კილომეტრში მდებარეობს. ინვესტორები უბრალოდ არ დააფინანსებენ მშენებლობას ომის ზონასთან ასეთ სახიფათო სიახლოვეს.n nრომ აღარაფერი ვთქვათ იმ ფაქტზე, რომ გადაშენების პირას მდგარი აფხაზების დარჩენილი ნაწილი რუსული სამხედრო ავანტიურების მძევლები ხდებიან. სეპარატისტული აფხაზეთის უკანასკნელი ორი „ზონა“, სადაც აფხაზები ჯერ კიდევ არ არიან „წალეკილნი“ ჰაი-მოსახლეებით, არის ზუსტად გუდაუთასა და ოჩამჩირეში რუსული სამხედრო ბაზის ტერიტორია და მისი შემოგარენი. ეს უკანასკნელი „ნაკრძალები“ აფხაზური ეთნიკური ჯგუფის შენარჩუნებისთვის დარტყმის ქვეშაა. აფხაზეთის ოკუპაციის დასრულების საკითხი აფხაზებისთვის, როგორც ერისთვის, სიკვდილ – სიცოცხლის საკითხად იქცევა.n n nგიორგი კვინიტაძე