პოლიტიკა

ვახტანგ გომელაური და ლევან დავითაშვილი 19 აპრილს ინტერპელაციის წესით დეპუტატების შეკითხვებს უპასუხებენ

18.04.24 18:00


19 აპრილს პარლამენტში ინტერპელაციის წესით საქართველოს შინაგან საქმეთა მინისტრს ვახტანგ გომელაურსა და საქართველოს ეკონომიკისა და მდგრადი განვითარების მინისტრს ლევან დავითაშვილს მოუსმენენ.

 

„ხვალ გვექნება ინტერპელაცია. როგორც იცით, შინაგან საქმეთა მინისტრის ინტერპელაციაა, ფემიციდის საკითხია დასმული. ასევე, ეკონომიკის მინისტრის ინტერპელაცია, სადაც თუ არ ვცდები, ბახმაროს საკითხია. თანმიმდევრობაც ასეთი იქნება. ჯერ იქნება შს მინისტრის ინტერპელაცია 12:00 საათზე, შემდეგ - ეკონომიკის მინისტრის ინტერპელაცია“, - განაცხადა შალვა პაპუაშვილმა.

 

ვახტანგ გომელაურს ინტერპელაციაზე 8 კითხვით იბარებენ დეპუტატი ქალები: თეონა აქუბარდია, ანა ბუჩუკური, ქეთევან თურაზაშვილი, ნატო ჩხეიძე, ხატია დეკანოიძე, ანა წითლიძე და ანა ნაცვლიშვილი.

 

ლევან დავითაშვილს ინტერპელაციაზე იბარებენ პარლამენტის წევრები: არმაზ ახვლედიანი, თეონა აქუბარდია, რომან გოცირიძე, ხატია დეკანოიძე, ალექსანდრე ელისაშვილი, ქეთევან თურაზაშვილი, ანა ნაცვლიშვილი და დავით ხაჯიშვილი.

 

 

imedinews

წაკითხულია : 514


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები